滿堂紅雞煲烤魚特式火鍋 (已結業)

食放题最好就梗系食最早时段啦！点解？因为价钱平！而且可以有多d时间消化，咁食多d都唔怕肥啦！今日由于之前订左位就黎试下呢间深水埗任食鸡煲。由于周围都系旧区，门口好难揾，唔认真睇都真系见唔到系边，入到铺头装修十分普通，可以话冇装修可言。因为食最早时段，所以冇咩人，得两三枱客人，见装修周餐厅环境心谂系咪中左伏，好彩食物方面都冇话难食！「早起的鸟儿有虫吃」最早时段好既地方仲有食物够齐，唔会因为多人俾人拎晒，海鲜中有虾可以烧，几新鲜。一边打边炉一边烧肉，一次过满足两个欲望，火锅选左椰子鸡，味道淡淡地，冇咩特别。除左火锅仲有熟食，熟食中最好食系炸馒头，真系又脆又好食。