一浩 (已結業)

黄金海岸呢个畀我细细个已经听过 但对于九龙人嚟讲就应该非常陌生 今日第一次去 感觉上有啲似外国小镇 有啲游艇 又对住个海 几浪漫 拣咗呢间食日本嘢嘅餐厅 一浩 餐厅入面环境极阔落 好有空间感 而且设计都几有时尚感 价钱唔贵 同爱人喺度边食晚餐 再边睇日落 好有情调烧鳕鱼干 有鳕鱼嘅味道 而且口感脆卜卜 点埋七味粉沙律酱 几惹味 送酒一流杂锦刺身 入面有平政 左口鱼 带子 油甘鱼 拖罗 甜虾 三文鱼 全部都鲜甜无比 极度新鲜 当中最惊喜就系带子 有我半只手板咁大粒 果然够足料软壳蟹牛油果卷 有六大嚿 两个人食都够饱 上面铺上薄薄嘅牛油果 入口即溶 香气十足 加上脆卜卜嘅软壳蟹鲜味十足 大人细路都啱食鸡肉泡菜石头锅饭 听到泡菜就以为系韩国菜 但系日本餐厅做都唔错 几惹味 而且石头锅够 有饭焦嘅效果 少少辣 冬天食啱晒