臺坊

营业中

休息中

朋友叫了牛肉盖饭，送上来的见到有牛肉有饭就食啦。食咗几啖，送餐的年青男职员返转头睇下我哋张单，但我哋野食到齐，心谂咁奇睇乜呢。后来餐厅大姐过来，同朋友讲：同事送错餐，呢个饭有肉燥，你啱唔啱食？你以为佢下一句系想讲唔好意思送错咗？错了！佢系话：啱食就加番$6肉燥钱！！！我哋呆咗一秒。我就问：即系如果我哋话唔啱食，你哋会以更高成本全碟饭换咗？阿姐的答案系：我哋会拨走啲肉燥。咁我哋就答：拨啦！附上拨走肉燥换咗白饭既相片，个碟吉咗既位就系原本肉燥饭既位置，拨唔哂架，仲有少少，朋友堆番出来拍个靓照咋。个人意见同事送错唔系客既责任，咪算啰。就算你要问，就全句讲：同事送错咗，按公司规矩要收差价。阿姐呢个问人啱唔啱食既讲法真系新奇。呢间冇下次。