影片
更多
2019-01-30
1571 浏览
又到咗Happy Friday，两小口再次岀动远征觅食🤞🏻先前睇杂志介绍，西环嘅十二味有一锅两食。因为自从喺上海食过酸菜鱼之后，发觉连平时唔食鱼嘅我都开始慢慢爱上左。最大原因一定系因为冇骨，而且经过调味之后，鱼肉唔腥不特止，啖啖肉非常软滑。由于男友未食过酸菜鱼，怕佢接受唔到，一锅两食就啱晒我地😎一去到好full下，好彩我地有订枱，order咗半椰子鸡锅同酸菜鱼锅各半客。再加d配菜同必食嘅红糖糍粑，已经令我地捧住个肚走🤣酸菜鱼锅，酸菜同汤底嘅味道好夹，唔算油腻，鱼肉虽然切得够薄，但唔会话一夹即散，食落细滑，不带半点腥酸，最重要系全餐都无食到有骨😻。拎黎渌冰豆腐好味到不得了，尽吸晒汤汁嘅精华☺️椰子鸡锅汤底清甜，味道香浓嘅程度男友觉得系用椰青水煲成👍🏻放埋只鸡落去一齐煲，忍唔住系开动之前装咗碗汤嚟饮返碗。椰子肉起初爽脆有椰香，食到后期就香滑滋润，双重口感🥥。清甜嘅汤底用黎渌菜就更加带岀蔬菜本身嘅甜味，令呢一餐顿时变得有营健康🥗甜品方面🥠记得第一次食红糖糍粑系响深圳麻辣火锅食到嘅，看似简单嘅食材但系喺制作上都颇花功夫。呢道四川传统小吃，用上糯米、黄豆粉配黑糖浆食，外面脆口，内里软糯Q弹，关键在
一去到好full下，好彩我地有订枱，order咗半椰子鸡锅同酸菜鱼锅各半客。再加d配菜同必食嘅红糖糍粑，已经令我地捧住个肚走🤣
酸菜鱼锅，酸菜同汤底嘅味道好夹，唔算油腻，鱼肉虽然切得够薄，但唔会话一夹即散，食落细滑，不带半点腥酸，最重要系全餐都无食到有骨😻。
拎黎渌冰豆腐好味到不得了，尽吸晒汤汁嘅精华☺️
椰子鸡锅汤底清甜，味道香浓嘅程度男友觉得系用椰青水煲成👍🏻放埋只鸡落去一齐煲，忍唔住系开动之前装咗碗汤嚟饮返碗。
椰子肉起初爽脆有椰香，食到后期就香滑滋润，双重口感🥥。清甜嘅汤底用黎渌菜就更加带岀蔬菜本身嘅甜味，令呢一餐顿时变得有营健康🥗
甜品方面🥠记得第一次食红糖糍粑系响深圳麻辣火锅食到嘅，看似简单嘅食材但系喺制作上都颇花功夫。呢道四川传统小吃，用上糯米、黄豆粉配黑糖浆食，外面脆口，内里软糯Q弹，关键在于佢唔会太痴牙，而且冇油溢味，一条又一条接住食根本停不下来！👍🏻👍🏻
呢一餐真系好满足，香港终于食到好味酸菜鱼，与其返大陆同人迫，不如简简单单坐程车去十二味食好过啦🎈
张贴
