拾う月

营业中

休息中

新蒲岗广场二楼呢间舖位，入面有两间食肆，一间日式，一间泰式，入到去坐低，先至决定食咩式，或者两样都叫，都几过瘾😆。睇睇 menu，泰式比日式平，再望望周围，发现绝大部份顾客都食日式，呢个都应该系重要嘅指标🤔，一于叫个忌廉飞鱼子酱三文鱼牛油果 poke。Poke 系夏威夷鱼生饭，用独有嘅酱汁捞匀鱼生嚟食，呢度嘅酱汁我估计系用咗胡麻酱，芥末，同埋 menu 写嘅飞鱼子酱等等嚟整，甜酸咸鲜样样齐，味道既复杂又丰富。鱼生方面份量都几多，除咗三文鱼之外，仲有三文鱼籽，当中三文鱼籽咸香嘅鲜味，同 poke 嘅酱汁非常夹，好好食😋。至于牛油果，其口感同鲜味不嬲都同三文鱼相似，捞埋一齐食，就系鲜上加鲜，超正😍。呢度其实主打居酒屋食物，下次要再嚟试试。