傷心酸辣粉私房菜 (已結業)

平时都有食开伤心酸辣粉，喺其他分店见到伤心酸辣粉私房菜宣传海报，得悉伤心酸辣粉私房菜于2012年12月20日正式开张，于是一有时间咪约埋朋友去试啰。入到餐厅坐低，攞起餐牌，餐牌上面有私房菜及特色食品嘅简介。跟住，我地点左招牌口水鸡，个口水鸡嘅卖相同味道都同其他分店嘅口水鸡有唔同，私房菜招牌口水鸡嘅卖相比起其他分店嘅靓，而味道方面，鸡特别鲜味，麻辣程度亦恰到好处，味道真系唔错。我地亦点左个正宗重庆烤全活鱼，鱼系桂花鱼，肉质非常嫩滑，本来见到咁多辣椒以为会好辣，原来唔系，辣度恰到好处，唔系好辣，但真系好香好入味，好好味呀。最后仲点左手撕包菜，听侍应讲原来依个菜真系由厨师用手撕嘅，唔知系咪个包菜无接触过铁器，包菜真系特别鲜甜，加上微辣，好开胃呀。