EC Kitchen (已結業)

因为工作关系同同事去左元朗做野，搞店啲手尾就开始系OPENRICE揾野食，之后发现有间食汉堡包嘅地方系附近。所以我同同事一放工就即刻过去。一去到间野由于太肚饿了，我叫左芝士炸鸡，烟鸭胸火腿饭，芝士肉酱薯条，羊肉汉堡同西冷牛肉汉堡。点知由啲野食上台果一刻我地先知道中左伏。。。首先第一碟上嘅系芝士炸鸡，啲炸鸡肉超多粉又肥，而且啲芝士完全系装饰，炸鸡肉完全无芝士味。之后芝士肉酱薯条，啲薯条同酱完全系痴埋一齐好似一个波咁，极难拎出黎食。跟住就系呢度既手打汉堡包，牛肉汉堡方面，肉嘅份量非常足，但系表层比较干身，不过味道就还好。羊肉汉堡方面，绝对今餐唯一满意的野食，羊肉唔会有筋，唔会太苏，味道比一般嘅汉堡好食好多。最后烟鸭胸火腿饭感觉就好似中午LUNCH果啲碟头饭咁，味道无特别，仲有啲冻冻地。但总括来讲，佢啲手打汉堡都值得一试，如果谂唔到食咩又唔怕伏，可以去下。