周師傅點心 (已結業)

好耐无见既朋友返黎香港，紧系要带佢去好耐都冇食过既点心喇! 今日我哋就嚟到深水埗呢间周师傅点心度食晚餐，餐厅就在鸭寮街附近，啱晒到呢度睇电子产品嘅朋友。每次嚟呢度食都一定要叫呢个特色流沙包，用咗蛋黄哥嘅可爱造型，睇住入面嘅流沙从蛋黄哥嘅咀一路流出嚟，相信任何年纪嘅朋友见到都会流露出带住童真嘅笑容。而佢哋嘅鲜虾多士都系非常出色，餐纸写住非油炸多士，食落真系冇一丝油炸嘅味道。绝不油腻，下次来都要再点。我哋叫咗个杞子桂花糕作为呢餐嘅甜品，杞子桂花糕清热明目，实在系都市人嘅必食之选。我哋仲叫咗鲜竹卷同云耳滑鸡饭﹔鲜竹卷味道中上，不过云耳滑鸡饭令人惊喜，饭身软硬适中，鲜鸡滑嫩，实在喜出望外。