路邊煱 (已結業)

同朋友7点几放工，想揾个地方食晚饭，见今晚咁冻最好紧系都系打边炉喇, 跟住我地就系openrice揾土瓜湾边度有好食的边炉打。之后我地就揾到呢间「路边㶽」，放好啲野我地就即刻谂住叫野，原来呢间野都几特别，可以用成只蟹黎做汤底。我地之后就叫左个花甲杂菌煲再加只肉蟹，仲即刻叫左前菜同好多配料。前菜方面，我们点了个手拍青瓜同八味金砖豆腐，八味金砖豆腐个外皮炸得十分脆，但系内里嘅豆腐依然十分嫩滑，非常特别，食完前菜，锅底就上黎喇，果然系成只蟹系个锅入面，份量十分足料，蟹肉非常鲜甜而且蟹盖入面有超多膏。配料方面觉得要赞既系香菇酿虾滑，将佢放入汤滚几分钟就食得，质地爽而弹，而且虾味好重，黎到呢度打边炉绝对系必须要叫。炸豆卜酿鱼肉本身系比较普通，放入锅滚一滚热就得，意想不到地好味，好香既感觉。各式的丸比预期爽，不会太林同粉，份量也不少，另外鹅肠又系滚一滚就得，佢缩一缩便变得爽口，好鲜味好甜。最后肥牛不太薄，滚一滚好香牛味，好鲜。 食到尾声，我地仲特别点了猪肉薄切，煮完食落口唔会好老，而且好爽口，今晚我地由7点几坐到10点，又可以睇住电视黎打边炉，真心超级正!