鈞壹居 (已結業)

呢日同朋友farewell，想留系大埔食饭，左揾右揾之下发现呢间野就决定试下。去到发现个门口唔多吸引，不过大家都好累所以决定试下！可能星期日有啲爆，不过好彩等左五分钟就入得，入到去感觉都几舒服。侍应妹妹推介黑松露海鲜意粉同三文鱼芥末pizza，大约七八十蚊一个pizza，同埋六七十蚊一个意粉，酥皮汤加十蚊就有，西餐黎讲咁既价钱，我地都冇抱太高期望。等左十分钟就有酥皮汤，ok la，同大家乐差唔多。无耐意粉就黎，睇落卖相唔错，我地3个女仔share一个意粉都够食。个意粉煮得岩岩好，唔太淋唔太硬，而且黑松露既味好正好香，呢个黑松露海鲜意粉值得返卓！当我地五个女仔风卷残云咁解决左个意粉之后，个pizza都上埋lu，呢个都系好好味！烟三文鱼都几大块，衬芥末有小小辣都几特别，好足料。最后到饮品，d朋友唔想饮茶餐厅既野饮所以叫左木瓜奶同埋fruit punch，好多野饮拣，好满足！最后埋单二百蚊左右，每人70蚊度，好够饱之余也好惊喜，特别系黑松露海鲜意粉！虽然个门面真系麻麻地不过最紧要食物好味，仲要几抵食。