影片
更多
2017-12-13
692 浏览
未到lunch time去食，因为第一次去，见有厨师推介碗仔翅餐，但系喺茶餐一栏，当然问清楚呢个时段有冇呢个餐，点解会专登问，系因为见佢早/茶餐系去到11:30，我地入去啱啱过咗十分钟，朋友话开声问下啦，茶餐厅都系做街坊生意，有时有走盏会俾你叫。咁问过个姐姐话有先叫，叫咗两个餐等食，点知返单收$30一碗碗仔翅，另收$15一杯奶茶。本来一个碗仔翅连奶茶餐成$30，相对茶厅餐黎讲，都唔太合理，只系谂住一试，而家仲分开收，见到张单咁当然即刻取消啦，阿姐竟然话整咗，同时送埋杯奶茶岀黎，屈你要！呢个时候已经觉得有啲被屈feel，都算，咁碗仔翅未黎，就取消咗佢啦，佢竟然话唔得！明明杯奶茶分开收钱，碗仔翅又未未岀，我叫𠮶时你又唔听清楚我问你先落单，你又唔覆单，有乜理由仲唔俾我取消？！同佢理论，个厨房阿姐走岀黎，指住我地个鼻话『食唔起就唔好食』！呢间系咩茶餐厅？咁招呼客？！我地坐喺度食，佢就企喺度闹，同佢理论，话我地系＿指＿住＿个＿餐＿牌＿问＿清＿楚＿有＿冇＿呢＿个＿餐先叫！个奶茶仲讲明系跟＿餐＿叫＿嘅！如果唔系正常边有人会呢个时间专登入去间茶餐厅，分别叫一碗$30嘅碗仔翅同一杯$15嘅奶茶？！个客唔
咁问过个姐姐话有先叫，叫咗两个餐等食，点知返单收$30一碗碗仔翅，另收$15一杯奶茶。
本来一个碗仔翅连奶茶餐成$30，相对茶厅餐黎讲，都唔太合理，只系谂住一试，而家仲分开收，见到张单咁当然即刻取消啦，阿姐竟然话整咗，同时送埋杯奶茶岀黎，屈你要！
呢个时候已经觉得有啲被屈feel，都算，咁碗仔翅未黎，就取消咗佢啦，佢竟然话唔得！
明明杯奶茶分开收钱，碗仔翅又未未岀，我叫𠮶时你又唔听清楚我问你先落单，你又唔覆单，有乜理由仲唔俾我取消？！
同佢理论，个厨房阿姐走岀黎，指住我地个鼻话『食唔起就唔好食』！呢间系咩茶餐厅？咁招呼客？！
我地坐喺度食，佢就企喺度闹，同佢理论，话我地系＿指＿住＿个＿餐＿牌＿问＿清＿楚＿有＿冇＿呢＿个＿餐先叫！个奶茶仲讲明系跟＿餐＿叫＿嘅！如果唔系正常边有人会呢个时间专登入去间茶餐厅，分别叫一碗$30嘅碗仔翅同一杯$15嘅奶茶？！个客唔开口问，你落单前都会提下佢啦！何况我指住问？！
道理唔够人讲，佢竟然话『食唔起呢餐我唔收你钱请你食啦』，跟住继续闹，继续重覆呢句，俾人闹住仲点食，你咁讲我地梗系走啦！转过头佢又话未俾钱，好！你讲晒！我地饮咗碗冇味嘅汤，你要咁样打开门做生意屈钱，我咪俾你啰，掉低咗一百蚊俾佢睇医生！讲黎讲去都系话人食唔起，如果佢觉得呢句系侮辱紧人，我听落只系觉得佢侮辱紧自己，原来由头到尾，你都系为钱啫！
我俾钱去食嘢，去得茶餐厅都唔要求有咩服务，系想食餐心安理得嘅安乐茶饭，冇谂过应该做街坊生意嘅茶餐厅，人情味欠奉之余，仲咁样屈钱！
讲真，边个会谂住食个地踎茶餐要走去写OpenRice，至少我自己冇谂过，第一次写食评，竟然系因为嬲到一定要将佢嘅恶劣手法公诸于世！
我俾一百蚊俾得心安理得，唔知佢咁屈返黎啲钱，收得系咪心安理得呢！
张贴