海街丼 (E-Max) (已結業)

本身系喺九龙湾高银金融国际中心𠮶边返工 ,所以基本上每日晏昼都系九龙湾区𠮶度食, 有三分一到一半时间,都会去Emax𠮶边食晏昼, 不过食咗咁耐,坦白讲,大部分食过嘅餐厅,都系一啲普通嘅餐厅, 净系适合填饱个肚就算,冇谂过放工要再去食嘅...咁啱礼拜六,约咗人去𠮶边睇戏, 睇完戏之后,真系想揾一间好啲嘅餐厅食下... 咁啱见到呢间餐厅新开,仲好多花牌喺门口... 就入去试下, 环境的确唔错, 好有日本嘅居酒屋feel, 尤其是个厨房,整得几靓,啲厨师著晒制服,都几整齐... 不过食物款式比较少, 店员话因为啱啱开张,所以有啲食物都仲未准备好,净系得几款鱼生饭可以order... 拣咗个吞拿鱼嘅鱼生饭, 卖相几靓, 食落去好有惊喜! 原来啲鱼生佢哋加咗啲味, 唔系普通鱼生, 另外佢哋系用白饭嘅 ,唔系用寿司饭, 佢另外畀咗一碟啫喱状嘅 醋, 畀我加落啲饭度食,酸酸甜甜又几过引, 最特别系佢哋跟多一 壶汤, 𠮶壶系鱼汤嚟嘅,畀我哋捞饭食,𠮶个汤好好味, 不过大家要小心, 唔好就咁饮, 我就系唔小心,一啖饮落去渌亲条脷... 不过整体都觉得啲食物唔错, 而且都几特别,之前无试过喺第二啲日式餐厅