美斯餐廳 (已結業)

住喺九龙城都差唔多一年喇，每次经过都会谂吓呢间餐厅好唔好食架?? 平时人流都唔系太多。㖊晚同老公放工后唔想煮饭，于是就去咗美斯食饭喇，入到去班waitress好有礼貌咁问我哋几多位，仲安排我哋坐卡位，仲好有礼貌帮我哋落单，食物好快就到，味道真系唔错。最值得一赞系...佢哋嘅环境好干净，餐具完全冇油腻嘅感觉，连埋杯茶都系热架，依家已经好少餐厅系咁架喇！隔咗一阵，有个男士坐喺我后面，其中一个waitress好有耐心咁介绍扒餐俾客人听，个客人话咁多选择要谂吓先，个waitress就好礼貌咁话：好呀！你麻麻谂吓先啦！我哋叫咗一个鸡扒餐，一个铁板肉眼扒拼猪扒。两个餐都好好味下次一定会再来！