影片
更多
2013-02-16
1974 浏览
2月14呢D日子，一支公冇地方好去，又惊行出街会俾人闪到体无完肤，于是就去左一间早排行过见到既CAFE试试啦。呢间CAFE，唔算难揾，银行中心出口，转入西洋菜街，左手边有间GIORDANO，大厦入口就响侧边。楼下入口附近仲有易拉架添。间CAFE响5楼，电梯一开，正面就望到，系一个好有心思既入口。o禁完门钟，好快就有一位魔法使开门，带左我埋去坐。o个个叫夏子既魔法使，细细粒扎左条马尾咁，仲笑得好可爱。（中弹了！！）坐低一阵我就用召唤魔法（摇铃）叫魔法使来谂住叫d野食，因为唔知食咩好，咁我就我点左个黑魔法料理同魔法使特饮（由魔法使随心情制作的食物及饮品）。点知，原来今日有特别EVENT，每位客人都额外有魔法使亲手制作的朱古力一包！！好开心呀，完全冇谂过间CAFE会有D咁贴心既EVENT。等左一阵，好快就有魔法使送上一杯魔法使特饮，系一杯士多啤梨味朱古力，上面仲有D CREAM 同士多啤梨糖浆，外观好靓，饮落仲非常好饮！！另外一题，D杯垫仲系人手画D公仔的，好靓！！D食物未到，我就4围望下，睇下D环境啦，有部大大大大大电视响度，仲有人打紧机，正呀！！！另外一面，又见到D魔法使会同D客人玩小游
呢间CAFE，唔算难揾，银行中心出口，转入西洋菜街，左手边有间GIORDANO，大厦入口就响侧边。楼下入口附近仲有易拉架添。
间CAFE响5楼，电梯一开，正面就望到，系一个好有心思既入口。
o禁完门钟，好快就有一位魔法使开门，带左我埋去坐。
o个个叫夏子既魔法使，细细粒扎左条马尾咁，仲笑得好可爱。（中弹了！！）
坐低一阵我就用召唤魔法（摇铃）叫魔法使来谂住叫d野食，
因为唔知食咩好，咁我就我点左个黑魔法料理同魔法使特饮（由魔法使随心情制作的食物及饮品）。
点知，原来今日有特别EVENT，每位客人都额外有魔法使亲手制作的朱古力一包！！
好开心呀，完全冇谂过间CAFE会有D咁贴心既EVENT。
等左一阵，好快就有魔法使送上一杯魔法使特饮，系一杯士多啤梨味朱古力，上面仲有D CREAM 同士多啤梨糖浆，
外观好靓，饮落仲非常好饮！！
另外一题，D杯垫仲系人手画D公仔的，好靓！！
D食物未到，我就4围望下，睇下D环境啦，有部大大大大大电视响度，仲有人打紧机，正呀！！！
另外一面，又见到D魔法使会同D客人玩小游戏，感觉好温暖，好和谐，D魔法使都好可爱添。
坐左一阵，我又唔好意思出声想打机，就唯有睇住其他人玩啦，
点知转头就有魔法使问我打唔打机啦，真系细心呢～～～
好快我就同其他客人打成一片咁玩啦。
唔知过左几耐（挂住玩唔知时间），食物到了，仲有魔法使帮食物画公仔施魔法，非常好食，
食物系一个炒面，上面有Ｄ蛋黄酱画左野，仲有D肠仔，火腿，炸物做配菜，好好食！！
食完野，我见间CAFE真系好多人，所以都唔好意思坐得耐，谂住埋单走人，废事阻人做生意啦。
魔法使话打完卡，有9折，一百蚊左右玩左个几两个钟真系抵！！（仲有包手作朱古力！！）
点知，临出门口仲有野玩！！
原来要讲开门魔法先可以走得！！！
最后我好唔好意思咁求其讲d，终于可以走啦～～！
题外话/补充资料：
整体感觉好好，有魔法使同大家玩，一个人上去都唔会怕闷！！！
不过好多人，WALK-IN未必有位，魔法使话如果想上去返学最好打电话订左位先会好D！！
今次我唔记得同魔法使影相呀！
本来谂住影的，点知最后唔记得左冇左件事！！
+25蚊可以影一张，我一定会再上去影相的！！
(以上食记乃用户个人意见 , 并不代表OpenRice之观点。)
张贴
