茜廊餐廳 (德福廣場1期)

营业中

休息中

今日一行四人食个早饭，所以唔使等位，又有梳化坐得几舒服，冷气又充足，几好几好。见有个限时快闪优惠，块扒真系好大！我哋四人叫三个餐够晒食，因为仲可以优惠价加配小食，叫咗个鸡翼，即炸，肉唔干，好好！马介休有咸香味，也好好。重点想讲羊鞍黑松露饭，个饭好正，好入味，又唔会太烂，好香，真系有黑松露㗎！羊鞍表现好好，能够做到外脆内软一刀切落去，会听到卡擦一声，代表外面煎到好香脆，再切落去，鲜嫩嘅红色渗出来，证明咗两件事；一，厨师控制火候恰到好处，肉汁成功锁喺里面，二，羊鞍厚度适中，唔会太薄冇口感，又唔会太厚。有适量嘅肉汁散喺碟上面，亦证明咗两件事；一，羊鞍并非低价货，品尝到羊肉嘅骚香味，二，厨师处理融雪嘅功夫到家。好多人就系怕咗阵骚味，就唔拣羊肉，但系其实阵骚味系嚟自𠮶旧脂肪，经验丰富嘅厨师，就系懂得控制烹调𠮶旧脂肪。似乎今晚遇到好厨师。呢个价钱食到呢个质素，喜出望外。茜廊价钱相宜，质素又几好，性价比高，可以encore!