相馬日式火鍋 (已結業)

话呢间野垃圾因为除左火锅食物普通之外，主要系班侍应！！我坐个位刚好望哂成间舖头，全晚得一个景像…就系个个追嘢食！成间舖除左一个肥仔认真D做野，全晚得佢一个走出走入，其他全部人玩电话多过做野。有一个四眼妹真系癫，根本佢有9成时间都系玩电话😡（无论佢系厅面定厨房都系玩电话），睇住佢做野我真心唔想食落去！睇住佢推个垃圾桶去帮客收完碟收完垃圾，即系攞野比我食😡😡大佬呀！你只手刚刚先掂完个垃圾桶呀，洗洗手先都咁难？？另外厨房个位金头髪既小姐都系劲！无论外面D客等左几耐野食都好，你都坚持长时间一手揸电话一手整野食！！结果我地比钱谂住开开心心食餐饭既人就会得到…煮出来既野食马虎难食，漏单，想揾人帮手你唔大叫系揾唔到人，（因为佢地系厨房玩紧电话😡😡）最后放弃，埋单走人！笨X一次过！呢间野真系超垃圾…仲有，放系自助区既菜…我只可以用惨不忍睹去形容😡😡😡真系好想呢间公司既高层睇到呢篇野之后再返去睇下cctv，睇下我有冇屈佢地！！我当时系21/6近晚上九点入坐既！