咖啡灣 (粉嶺中心) (已結業)

呢间餐厅喺大埔嘅分店都有相当嘅名气， 一直俾佢个甜品吸引住， 今日因工事经过粉岭， 见到有间餐厅都系叫做咖啡湾， 上openrice一睇就知原来系大埔𠮶间嘅分店， 所以入去试下。餐厅环境光猛， 座位几舒适干净。餐牌有啲季节性嘅推介， 我哋叫了两个试。巴马火腿沙律配油醋汁沙律菜有罗马生菜，九芽菜，雅枝竹，车厘茄，意大利干蕃茄配油醋汁和少量芝士粉， 清新爽口， 巴马火腿夹沙律一齐食味道啱啱好， 唔会觉得咸。黑洞奶黄芝士面包脆鸡黑色嘅竹炭面包装满芝士蛋黄酱， 鸡件炸得够脆身， 鸡肉唔会炸得太干，仲有肉汁。 芝士蛋黄酱个味道唔会太咸， 食到蛋黄和芝士嘅咸香味， 几creamy， 我哋连个竹炭包都食埋。紫薯窝夫即叫即做嘅窝夫加上士多啤梨，紫薯粒， 紫薯雪糕 ，忌廉，士多啤梨等配料， 个窝夫几香脆， 配雪糕和忌廉一齐食好满足。抹茶鲜奶杯饮品几有心思， 有卡通人物嘅拉花， 杯饮品几香抹茶味。