海圖

营业中

休息中

下午临时要带住狗狗去鸡地揾个地方坐下，行过heato 见环境唔错，咁啱有户外位，问左餐厅原来系pet friendly嘅cafe，我就决定坐低！点知我自己好论尽，唔小心倒晒狗仔啲粮喺餐厅门口，有女仔侍应好好，即刻过嚟帮我，仲问我狗狗会唔会冇嘢食，跟住我谂住叫啲嘢食比狗狗，但系咁啱餐牌又冇乜啱宠物食，佢知道狗仔可以食烚鸡蛋，即刻请咗狗狗食！❤️ 佢哋仲有专门比狗狗饮水嘅兜，真系帮咗好大忙！好感动！呢一刻，我已经决定会常来看帮衬！我自己叫咗个鸡胸肉水波蛋多士，同oat milk latte！开头我以为轻食只会得一件多士，点知嚟到原来又有薯角，又有沙律！睇落好有食欲！味道都有水准，有心机煮！鸡胸肉都唔会太干，水波蛋𠮶sauce整得好！薯角热辣辣又脆，好食！杯latte都好啱我口味！(枱上边𠮶只烚蛋🥚，就系个女仔职员请狗狗食)最重要系，我坐咗差唔多个几钟，估唔到冇人会赶你走！咁啱今日天气又好好，真系可以好relax咁坐喺度坐埋杯嘢咖啡！👍🏻👍🏻佢哋员工嘅态度同Cafe嘅食物质素，都会令我在想去多次！