新泰東南亞餐廳

营业中

休息中

今日喺尖沙咀发现一间泰国菜馆，装修得好靓，所以入去试吓。2个人order咗几个菜式：有盐烧乌头、泰式烤猪手、马拉盏炒通菜、泰式炒牛河、马拉肉骨茶、菠萝沙冰及冻龙眼茶。盐烧乌头好嫩滑、好新鲜、好大条乌头，份量十足，只系$128，抵食。泰式烤猪手，落单时伙计讲明要等一个钟，尽管试吓。猪手配上个泰式酱汁，好有泰国风味。马拉盏炒通菜有好多喊嘅虾干仔，小小辣、好足料，推介重口味嘅朋友必定要试。马拉肉骨茶有好香、好浓嘅药材味，系足料靓汤，饮完都唔觉口喝，估计无乜味精。马拉嘅肉骨茶同新加坡嘅肉骨茶系有唔同嘅，呢个马拉味道好正宗。菠萝沙冰酸酸甜甜、龙眼冰味道清新，小小甜、好好味。大部份食物嘅份量都好大，好抵食，所以食到好饱。期望下次再来试埋其他菜式。