JAJA

营业中

休息中

一开始系俾呢度嘅环境同饮品吸引到，真系好少女好好打卡，所以决定嚟试试。粉红漫霞呢杯真系打卡一流，卖相得，饮品都唔差，完全唔系甜到漏𠮶只，反而系甜度适中，仲几香士多啤梨味几好饮，配埋咁多cream一齐食真系好邪恶😂但系个donut就唔好食，就算一开始已经系食佢先，都淋晒又无咩味，咬咗一啖就放低。提生糙米寿司拼盘呢个好有惊喜呀，3种卷都好好食，好欣赏佢将块茄子整到好似肥猪肉咁，好入味好好食。脆辣菠萝蜜卷好香脆香口，少少辣好惹味。台式卤肉饭呢个一入口就觉得好种香料味，仲要辣辣地，因为无预计过卤肉饭会有辣味，真系有啲失望，而且愈食愈浓味，食咗一半已经唔想再食。Lunch时间其实唔算多客，但似乎楼面好唔够人，叫咗好耐都无人落单，仲有漏单情况。