龍點心 (寶漢大廈)

营业中

休息中

同朋友过新年 食团年饭梗喺选返中菜啦！今次特登选咗一间比较有创意&新派啲嘅中式点心舖🍤🥟尼间喺铜锣湾 观塘 湾仔尖沙咀都有分店嘅点心舖 菜式偏有创意 心思又新派🙈- 口水汁龙利鱼肠粉- 一般平时食到嘅都会喺叉烧/虾肠粉，今次尼间点心舖 除咗有一款用龙利鱼肉做嘅即拉肠粉之外，另外再配上口水汁 ，一睇餐牌已经第一时间吸收到我眼球，肠粉就食得多，但辣嘅肠粉真喺第一次见，所以马上叫咗 几特别。- 大澳虾酱鲜虾卷- 标明原创出品 采用大澳虾酱 入口有阵阵鲜虾酱嘅味道，而且外皮炸得酥脆，食落口除咗外脆内软之外 虾酱配上虾肉 形成好鲜明嘅虾味道。- 龙饺子- 一笼一式4款口味嘅虾饺 分别有蟹粉菠菜香虾饺，酸菜鱼凤眼饺，松露野菌晶莹饺 及 笋尖虾饺皇。每只都有不同嘅风味及味道 有创意得嚟又好食。- 叹世界烧卖拼盘- 一笼6款烧卖口味，包括香辣鸡软骨烧卖，十年陈皮牛肉烧卖，咸蛋黄墨鱼烧卖，日式鳗鱼烧卖，星加披黑胡椒蟹烧卖 及 中国金华火腿烧卖。款款亦有创意 新派嘅风味，不同味道有不同嘅滋味。