London House Gordon Ramsay (已結業)

同男朋友食饭，去庆祝纪念日。男朋友话想试下Gorden Ramsay既餐厅，加上见到呢间餐厅好多好评，就决定黎试下。餐厅起正个海隔离，入到餐厅就听到有live Band喺度唱歌。而呢间餐厅总共有两层，地下就系有live Band，但最后因为一楼full晒嘅关系，我哋坐咗上2楼，但2楼嘅原来风景都好好，我哋坐咗系露天area，可以一边望住海，一边听到楼下嘅音乐，谈情同relax简直一流呢个sharing platter有炸鱼，炸洋葱圈，炸芝士同炸鸡翼，配有沙律酱同埋一个酸酸甜甜嘅酱。呢个platter其实冇乜特别，只系个好普通嘅小食拼盘，而且又唔系话特别好食，最好食嘅应该都系炸鱼，但价钱就偏贵所以唔建议大家食呢样。呢个牛扒我叫左三成熟，因为惊佢煮衰左都稳稳阵阵仲系五成，七成就太老喇。呢个牛都几好食，肉汁都多唔多筋位，而且旁边有盐比自己落，可以用黎调下味或者去除牛既苏味，个人黎讲都几好食