貓店街 (已結業)

第一次黎依D猫cafe, 就预左唔会好平，毕竟并不是以食物为卖点，但两个人平均$80，发现价钱上还可以接受。由于系平日去，所以冇乜人，环境几干净，冇成地猫毛或有好浓既猫既排泄物味，我同朋友亦可以坐低静静倾计同时撩猫 虽然D猫唔系好理人，不过可能因为自己屋企只猫都系一样，所以并冇好大既失望。睇得出店主好用心照顾D猫，而且有介绍每一只猫既特性，亦有讲一D照顾猫要注意既事，完全感受到店主既诚意，爱猫人士绝对会乐而忘返！