影片
更多
2023-08-14
20 浏览
七月时拉面瘾发作，又见OpenRice 上面一郎拉面的好评都颇多，位置喺尖沙咀又方便，而且仲有个睇落性价比好高嘅饺子放题，便与男友结伴到一郎拉面进食。而呢个食评系我拖到八月先写嘅。1.服务态度一般😵💫由于系八点几去食，舖头入面四张大枱都有人坐紧，所以要同另一对情侣搭枱。叫完拉面等待途中隔离𠮶枱客走咗，就问服务员可唔可以调隔篱枱。因为两对唔熟嘅情侣坐埋一齐有啲尴尬，加上筷子同埋水都系佢哋𠮶边，我哋伸手嘅时候都会打扰到佢哋，咁个位置咁逼，大家都唔方便，想调位都好合乎情理姐。点知个服务员以「一阵间都会好多人食，就算调咗位之后都系要同人搭枱」为由拒绝咗我嘅请求。加上佢就企喺我哋前面，见到我哋拎筷子同水咁唔方便都无主动帮我哋拎，净系喺度睇，态度欠主动。😓2.味精汤底🤢本身就系因为见佢有咁多好评所以都怀着好大嘅希望去食，咁我就叫咗碗黑郎君，男友就叫咗赤郎君。饮完第一啖汤之后，我同男友即刻面有难色咁相视而笑，个笑系苦笑，大家都对呢碗嘢嘅味道心照不宣，我嘅脑海中就即刻有个直升机🚁嘅声，因为伏伏伏伏伏，伏呀！咁我都无谓花费咁多笔墨去讲佢嘅味道，因为佢就系一碗味精汤底，黑郎君仲衰过出前一丁黑蒜油味，开头
1.服务态度一般😵💫
由于系八点几去食，舖头入面四张大枱都有人坐紧，所以要同另一对情侣搭枱。叫完拉面等待途中隔离𠮶枱客走咗，就问服务员可唔可以调隔篱枱。因为两对唔熟嘅情侣坐埋一齐有啲尴尬，加上筷子同埋水都系佢哋𠮶边，我哋伸手嘅时候都会打扰到佢哋，咁个位置咁逼，大家都唔方便，想调位都好合乎情理姐。点知个服务员以「一阵间都会好多人食，就算调咗位之后都系要同人搭枱」为由拒绝咗我嘅请求。加上佢就企喺我哋前面，见到我哋拎筷子同水咁唔方便都无主动帮我哋拎，净系喺度睇，态度欠主动。😓
2.味精汤底🤢
本身就系因为见佢有咁多好评所以都怀着好大嘅希望去食，咁我就叫咗碗黑郎君，男友就叫咗赤郎君。饮完第一啖汤之后，我同男友即刻面有难色咁相视而笑，个笑系苦笑，大家都对呢碗嘢嘅味道心照不宣，我嘅脑海中就即刻有个直升机🚁嘅声，因为伏伏伏伏伏，伏呀！咁我都无谓花费咁多笔墨去讲佢嘅味道，因为佢就系一碗味精汤底，黑郎君仲衰过出前一丁黑蒜油味，开头有少少黑蒜味，之后都好似饮紧水咁，毫无层次感可言。而男友叫嘅赤郎君系好过黑郎君少少嘅，但只系少少啰，辣又唔系真系好辣，食完都唔知自己食咗啲乜，都系味精汤，面条就同你平时喺超市可以买嘅𠮶啲差唔多。
3.抵食饺子放题？🥟
见佢饺子放题好似好抵都系我哋其中一个去食嘅原因。饺子质素不过不失啦，放题系抵食嘅，味道都好过拉面嘅。但系食完之后我喺度谂，点解一间拉面店要攞饺子放题来做噱头，系咪佢都知道自己嘅拉面真系好难食？🤔而一间拉面店嘅饺子仲好食过拉面，咁不如改名叫一郎饺子算啦。
总而言之食完之后我唔会再乱咁喺香港度揾拉面食，都系食返之前食开嘅𠮶几间好过，完全唔知点解可以有咁多好评，唔知部份好评系点嚟嘅呢？😄对拉面质素有要求嘅大家都无谓花费时间金钱去呢间嘢度食。🫣
张贴
