金牌海鮮火鍋 (已結業)

点心纸大点~雪影杏汁包，卖相唔错，咬落皮脆但无杏仁味同香。唔抵食。大点~雪影叉烧包，外表比杏汁包更配合到雪影呢2个字，咬落先发现皮上有糖粒，除左皮脆，内涵既叉烧同洋葱粒食落唔觉咸，继叉烧餐包后另一种有甜味既叉烧包。好味但略嫌贵左少少。大点~竹笙珍菌肠，食唔到竹笙，肠粉皮又厚。认真唔抵食。大点~贡菜牛肉肠，食唔到贡菜，肠粉皮都系厚。胜在内里既牛肉唔系出面食开既碎牛，而系牛肉片。较特别（可能我食得点心少）但以肠粉黎计，都系贵左少少。小点~潮州蒸粉果，同出面食既差唔多但店家提供既辣油真系好帮手，配合黎食真系好惹味。呢个价钱还过得去。大点~干蒸牛肉烧卖，一上枱已经感到牛肉份量较少。食落一如所料，真系只食到猪肉味。以呢个价钱真系完全唔抵食。同唔会再试。隆重登场既148蚊海花尾趸菜远笼仔蒸饭，一上枱阵阵蒜香鱼香，只系中间位既饭较为吸油（鱼同蒜既精华所在地），食落除左好香好惹味以外，鱼身较滑同配合埋蒜蓉真系天作之合。外面食呢个饭都只系平呢度少少，所以呢个价钱都唔系太贵。总括而言，一行4人埋单接受450蚊，在同区既酒楼可以食到更多点心。保留去试晚市火锅既权利先。食完先醒起呢间店好似系Paco开。