Warren (已結業)

今日特登嚟到大坑试下这间隐蔽嘅法国餐厅Warren, 佢嘅门口唔系好易揾到，因为佢嘅入口喺巷仔里面。 来到之后发觉佢嘅门口坐得好舒服所以就坐门口食午餐。佢嘅香煎法式班戟鸭胸配橙汁蛋黄酱， 虽然鸭胸under season， 但系当自己加返少少盐落去呢度菜好清新好好味。尤其是鸭胸好嫩滑， 个薄饼好新鲜。至于香煎慢煮牛柳，佢哋嘅蘑菇肉酱汁非常浓烈，加上有一片黑松露配搭得好好，好香。 因为系用慢煮嘅方法去煮，所以牛柳非常嫩滑。龙虾海胆意大利面有少少惊喜。 除咗外观非常之靓之外，佢用龙虾汁和海胆打嘅泡沫酱， 好清新好味。龙虾系啱啱熟所以好弹口。 再加埋鱼子捞埋一齐食，呢个是一个新颖脱俗，回味嘅配搭。而个甜品就有少少失望，焦糖芝士蛋糕的芝士非常厚，食完有点滞并且口干。加上佢嘅焦糖皮好厚，配搭就一般。总体来讲，这一间系一间好用心去经营嘅小餐厅。佢用嘅料非常新鲜，我一定会再嚟支持。