菩提素食館 (已結業)

今晚同爸妈、老公一起去菩提素食馆食团年饭，坐低问侍应攞餐牌看看有什么食，点知佢话只得套餐Ａ、Ｂ、Ｃ、Ｄ，我地本来谂住「散叫」，可以点自己钟意嘅𩠌，唔想食Ｄ限住晒嘅套餐，不过算啦，过时过节就系咁，我们只好叫个四人餐。食物质素一般，不算特别好味，而招呼都系一般，Ｄ侍应叫极都唔会理你。点知食食吓见到隔离枱揸住张「散叫」嘅菜单，有冇搅错，又话只得套餐！！食到最后上套餐嘅甜品，点知个侍应攞咗碟冻冰冰嘅马豆糕来，我问侍应有冇热糖水，佢话冇㖞，只得马豆糕！！点知唔够两分钟，食食吓见到隔离枱上嘅甜品系糖水，我揾番个侍应问，佢话我地嘅四人餐唔同人地个四人餐，我睇晒张餐牌只得一个四人餐，我问佢有咩唔同，佢又唔答！又话刚刚买晒！简直不知所谓！咁样做生意都得，奉劝大家唔好帮趁这舖头！！