影片
更多
2022-10-16
53 浏览
一间注重细节唔马虎嘅cafe，好适合放假约埋三五知己过嚟打下卡、Chill下。位置十分方便，由太子地铁站步行数分钟到达。虽然正值星期六下午茶时间但人唔算太多，无需要等位。店员好nice，每个人面上都带住笑容，见我哋喺度打卡，仲特登摆放好多公仔俾我哋影相，而且啲餐具非常之靓。今次同朋友试左三碟菜式加两杯野饮，食物味道虽然唔系话好惊艳，但细节同摆盘为佢加左唔少分。伴碟嘅沙律菜好多Cafe都只系加少少酱汁，但系呢间Cafe除左酱汁仲放咗士多啤梨同蓝莓点缀摆得又整齐又靓，而意粉碟上面嘅空位就「沈」左芝士粉同埋果仁，睇得出厨师嘅用心。今次试嘅三款食物入面青酱带子螺丝粉最为出色，带子就唔使讲啦睇相都见到煎得好靓，而且厨师一啲都唔孤寒，青酱十分足够，意粉入边有多种蔬菜，加上果仁，口感好丰富。饮品方面选择多，但今次试嘅两款就真系唔算好好饮，要下次再试多啲先可以比到评价。可惜今次太饱冇试埋甜品，希望下次再嚟会带到更多惊喜俾我哋啦！
位置十分方便，由太子地铁站步行数分钟到达。
虽然正值星期六下午茶时间但人唔算太多，无需要等位。
店员好nice，每个人面上都带住笑容，见我哋喺度打卡，仲特登摆放好多公仔俾我哋影相，而且啲餐具非常之靓。
今次同朋友试左三碟菜式加两杯野饮，食物味道虽然唔系话好惊艳，但细节同摆盘为佢加左唔少分。伴碟嘅沙律菜好多Cafe都只系加少少酱汁，但系呢间Cafe除左酱汁仲放咗士多啤梨同蓝莓点缀摆得又整齐又靓，而意粉碟上面嘅空位就「沈」左芝士粉同埋果仁，睇得出厨师嘅用心。
今次试嘅三款食物入面青酱带子螺丝粉最为出色，带子就唔使讲啦睇相都见到煎得好靓，而且厨师一啲都唔孤寒，青酱十分足够，意粉入边有多种蔬菜，加上果仁，口感好丰富。
饮品方面选择多，但今次试嘅两款就真系唔算好好饮，要下次再试多啲先可以比到评价。
可惜今次太饱冇试埋甜品，希望下次再嚟会带到更多惊喜俾我哋啦！
芝士烤鸡墨西哥饼
2 浏览
0 赞好
0 留言
莎莎粟米片
13 浏览
0 赞好
0 留言
青酱带子螺丝粉
9 浏览
0 赞好
0 留言
张贴
