影片
更多
2006-11-25
236 浏览
今晚公司的客户请食饭，由于没有订枱的关系，随便地选了这间新光潮州菜馆。我地一行九人一入到去，我都未坐定，个阿叔已经坑左我个客要一只潮州冻蟹，一碟「老」水鹅。我觉得佢好hard sell，唔多对路，一问之下，只冻蟹$668，碟「老」水鹅$228。个价我都觉得ok。唔系话特别贵。不过我个面色都已经唔多好。「等等，放心，斩紧啦，就上碟。」个阿叔话。听到呢个我即时呆左，唔系挂，我问得个价，都未话贵，佢就已经唔俾我反悔唔要。有够黑。跟著个阿叔落力sell 避风塘抄蟹时，个碟冻蟹上枱啦！我即时一呆再呆，有无搞错，$668 只蟹细只到咁！！好坦白我未食过潮州冻蟹，正所谓食米唔知价，我唔敢话唔系咁贵，所以我无出声。之后个阿叔报上避风塘抄蟹个价，佢话要$400，我即刻觉得有无搞错！佢抄咩蟹？空运架？要$400！！做生意既野，明买明卖，我即时拒绝左佢。跟著开始揾野食，反转张餐牌，见到后面d 小菜。大部份$ 40 至$ 70 左右，都算会理价钱。点知，我头十个𩠌都未睇完，个阿叔话：「呢d 系例牌，你地九个人，唔够食架。要就要加大。」我听到呢句，脑里面已经浮现「黑店」两个字。加大，任你加，你加几贵都得。就算你
我地一行九人一入到去，我都未坐定，个阿叔已经坑左我个客要一只潮州冻蟹，一碟「老」水鹅。
我觉得佢好hard sell，唔多对路，一问之下，只冻蟹$668，碟「老」水鹅$228。个价我都觉得ok。唔系话特别贵。不过我个面色都已经唔多好。
「等等，放心，斩紧啦，就上碟。」个阿叔话。
听到呢个我即时呆左，唔系挂，我问得个价，都未话贵，佢就已经唔俾我反悔唔要。有够黑。跟著个阿叔落力sell 避风塘抄蟹时，个碟冻蟹上枱啦！
我即时一呆再呆，有无搞错，$668 只蟹细只到咁！！好坦白我未食过潮州冻蟹，正所谓食米唔知价，我唔敢话唔系咁贵，所以我无出声。
之后个阿叔报上避风塘抄蟹个价，佢话要$400，我即刻觉得有无搞错！佢抄咩蟹？空运架？要$400！！做生意既野，明买明卖，我即时拒绝左佢。
跟著开始揾野食，反转张餐牌，见到后面d 小菜。大部份$ 40 至$ 70 左右，都算会理价钱。点知，我头十个𩠌都未睇完，个阿叔话：
「呢d 系例牌，你地九个人，唔够食架。要就要加大。」
我听到呢句，脑里面已经浮现「黑店」两个字。加大，任你加，你加几贵都得。就算你加个价唔贵，但每碟加几多料又系你话事，咁你明抢啦！
「我谂够食，俾例牌我就够！」我以非常肯定的语气回答。
我之后见到味菜好似好得意，咁就同阿叔讲话要一碟。阿叔话：
「呢个唔够食架，要一人一只，一只$15，九只就$120 左右啫。唔贵」
「点心黎架？」我问。
「系呀……」阿叔答。
「下，聘珍楼我食咕噜虾球都系$120，仲唔止九只虾㖞。」
我讲完呢句，个阿叔哑左。之后都正正常常，料都ok 足，咁我算啦，唔话个阿叔。点知……
埋单时，个阿叔佢专登行去第二边唔俾张单我睇。咁我照睇啦，佢张单只系出味部，厨部，水吧。完全无菜名，仲要系大数，两个菜加埋出一个数咁。我谂住计数睇下啱唔啱。个阿叔系我耳边话：
「放心啦，有你系度，我地唔会乱黎。」
最终我望望张弹就算，无详细check！
重点注意！！
大家小心，以后唔识价既，唔好去呢间黑店。
虽然d 野唔系难食，但系个价真系抢钱，明呃！
张贴