影片
更多
2018-07-17
1612 浏览
616在香港想食下牛嘅唔同部位真系好难揾的，除非去深圳食啦，咁就可以食到又平又正嘅牛火锅啦，深圳嘅餐厅仲系好新鲜添。只要你一落order，餐厅才把一大旧肥牛排一刀一刀咁切下来，送去你面前。可惜，香港系揾唔到呢啲店嘅。不过，最近香港都出现呢间类似嘅餐厅，616火锅，形式跟大陆店相似，但新鲜度当然差得很远，价钱也贵成倍，份量又小成倍咁啦。不过，要系香港生存，冇办法㗎啦⋯⋯呢间餐厅发展得好快，呢几年已经开咗好多分店，咁就即时上咗Openrice揾下，睇下边区近，就走去订位啦。见到Openrice有位book，就即时㩒埋去，订8:30，咁就唔使烦啦。最初仲以为有9折添，点知要9:30后才有，笑咗加无言⋯⋯⋯8:00分去到，点知店员话冇我booking，经一轮对应后，最后原来系佢冇时间睇电话，冇帮到我留位，叫我取消返佢。哗，山长水远嚟到，叫我取消，冇嘢呀？我唯有话照跟现场位排，照等啦。差不多等到啲客人都入晒坐后，果位店员才走过来同我再讲：Sorry，我又唔记得帮你排队，依家才能帮你安排返，因为我以为你走咗。我就话：我哋一路都坐咗系度，未离开过！依家都入净一两枱，唯有再等啦！唉⋯⋯⋯如事者，等了差
在香港想食下牛嘅唔同部位真系好难揾的，除非去深圳食啦，咁就可以食到又平又正嘅牛火锅啦，深圳嘅餐厅仲系好新鲜添。只要你一落order，餐厅才把一大旧肥牛排一刀一刀咁切下来，送去你面前。
可惜，香港系揾唔到呢啲店嘅。不过，最近香港都出现呢间类似嘅餐厅，616火锅，形式跟大陆店相似，但新鲜度当然差得很远，价钱也贵成倍，份量又小成倍咁啦。不过，要系香港生存，冇办法㗎啦⋯⋯
呢间餐厅发展得好快，呢几年已经开咗好多分店，咁就即时上咗Openrice揾下，睇下边区近，就走去订位啦。
见到Openrice有位book，就即时㩒埋去，订8:30，咁就唔使烦啦。最初仲以为有9折添，点知要9:30后才有，笑咗加无言⋯⋯⋯
8:00分去到，点知店员话冇我booking，经一轮对应后，最后原来系佢冇时间睇电话，冇帮到我留位，叫我取消返佢。哗，山长水远嚟到，叫我取消，冇嘢呀？我唯有话照跟现场位排，照等啦。
差不多等到啲客人都入晒坐后，果位店员才走过来同我再讲：Sorry，我又唔记得帮你排队，依家才能帮你安排返，因为我以为你走咗。我就话：我哋一路都坐咗系度，未离开过！依家都入净一两枱，唯有再等啦！唉⋯⋯⋯如事者，等了差不多40分钟.....唉！
麻辣鸳鸯汤底($78)，麻辣味不太重，麻辣不是太辣，汤底算浓，入口不错。另一款汤，系牛骨汤，有牛骨味，味道清淡，用来煮蔬菜是一流的选择。
推介指数：8.5/10
匙柄，新鲜度一般，有牛味，算不错。
推介指数：7/10
胸口膀，呢个必食，香港食店小有，煮3-4分钟就得，牛味重又香浓又爽口。
推介指数：9/10
三花腱，新鲜度一般，跟匙柄差不多，算不错。
推介指数：7/10
火喉，呢个又系必食，香港食店好小有，煮5-6分钟就得，味浓，爽口，香脆。
推介指数：8/10
总括来说，食物质素不错，可惜职员坐位安排差，唔系果晚落大雨，一早就走啦⋯⋯
张贴
