牛牛台式鴛鴦火鍋

营业中

休息中

同老公同个仔喺旺角度揾嘢食，去咗创兴广场，本来老公系谂住去有间泰式火锅嘅，不过佢上到去问嘢嘅时候觉得人哋无礼貌，之后我哋就去咗一间叫牛牛台式火锅度食，其实我哋都系第一次去。前几日我同人哋去完牛大人，嘢食都好味嘅，不过就贵, 同埋都坐得好迫。我哋拣咗个杏汁汤底同埋个臭臭锅，杏汁汤底都几有杏仁味，臭臭汤底我老公话几好。百零蚊任食火锅，见佢个雪柜里面啲嘢都新鲜，d菜系OK嘅，坐卡位又舒服，都算几多嘢食，佢又有个自助卤肉饭，同埋有个自助台式甜品，都几好味，个仔都食咗支雪条。啲服务都几好，啲人几有礼貌，我呢啲盲舂舂上去，觉得间嘢算系咁，又收得唔贵。总括而言佢百几蚊个质素我觉得几OK。希望多啲香港人帮衬返多啲香港嘅店舖，等啲食肆做得住。