甜入心 (已結業)

同朋友食完晚餐心思思想食甜品，於是便步行到深水埗揾食。經過一間甜品店，就即刻衝入去。打開餐牌有好多唔同種類的甜品，令人眼花撩亂。個個甜品賣相都好吸引。不過友人想食waffle，所以我地專攻waffle篇，最後點左個朱古力waffle。waffle端上來香噴噴，賣相非常吸引，砌得好靚呀而且仲有個雪糕球疊在最高。真係唔食都睇得下，胃口大增。咬一口waffle，超級脆口，同其他waffle不一樣，完全唔係軟稔稔嘅。不過呢個質地絕對別有一番風味。薄脆口感頓時令吃甜點的罪疚感大減，因為真係好似食咗一陣風咁。就算同雪糕一齊食，都唔覺得好肥。整體味道唔錯，質地特別，值得推介