Uncle Pizza, Pasta & Grill (已結業)

餐厅：Uncle Pizza, Pasta & Grill地点：中环伊利近街菜式：意大利菜餐牌：主餐牌除左Pizza，意粉，仲有前菜，沙律，汤，烤煎类，厨师推介，意大利饭同甜品。午市有套餐，主菜6选1，配精选餐汤或者沙律，可追加小食。精选沙律系沙律杂菜加车厘茄，简单加上黑醋调味，味道唔错，清爽开胃。8安士纽西兰肉眼扒配烧汁 $178 另加一纽西兰肉眼扒好大块，果然系8安士，整得肉嫩多汁，牛味唔错，简单加上一条香草调味，烧汁少少咸，配牛扒食味道刚好。伴有热辣辣炸薯条，点烧汁都好够味。伴碟蔬菜有烤长豆角，番茄，茄子，翠玉瓜同南瓜，色彩配搭丰富。呢道主菜好饱肚。肉桂苹果卷伴雪糕 $78 另加一呢款甜品系主餐牌。肉桂苹果卷伴雪糕卖相一流，两条热辣辣㶶面脆皮肉桂卷包住苹果肉，好香苹果味，配热熔曲奇忌廉雪糕球，食落冷热交融，绝对系冲击味蕾。面头加有切边新鲜士多啤梨，最后洒上好似落雪既糖霜，好美观。今餐食物都唔错，中上环返工人士可以黎食个午餐再返工。