初鮨 (已結業)

同朋友好唔容易先book到既omakas。 這間餐廳，夜晚已經好難book, 估唔到lunch都係咁難。 好唔容易book到, 更係早早就要黎。 因為每輪都係食個半鐘左右, 之後又黎第二輪, 你都冇得留底。 我地今日簡左既餐係梅。 先有前菜沙律配蓮藕漬物,超好配搭, 酸酸甜甜的又夠清新。 然後係蒸蛋, 蒸得好滑, 好香蛋味，仲有大隻蝦係入面。 跟住係3款刺身, 好開胃。 之後係主菜啦，10款手扼壽司, 由淡味既鯛魚食起, 跟住仲有金獅魚, 拖羅背肉, 燒面頰肉, 燒魷魚, 海膽...等等。 海膽壽司真係一個大驚喜, 真係冇諗過會有。 海膽真係好鮮味。 雖然唔記得晒咁多種壽司名, 但師傅手勢真係好好。 每件壽司都做得非常美味。 我就比較鍾意火灼過既壽司。 因為佢會逼左d魚油出黎, 令壽司變得更香更肥美。 睇住佢整, 真係係日本既感覺返晒黎。最後, 食完10貫都好飽啦。 飲埋味噌湯同食埋雪糕，就真係非常之完滿啦。