一風堂 (蘭桂坊) (已結業)

今日咁岩喺中环附近做嘢，预早左少少食午餐。由于好耐无食过拉面，2017第一碗拉面就试一风堂嘅「鸡酱油拉面」。十二点几仲未算好多人，所以等左阵就有位！落单后等咗十分钟左右拉面到！使用鸡清汤同鱼介淆制而成嘅酱油汤底，唔会太咸，而且个汤底好清澈唔会好肥。面我一向都喜欢食硬身嘅，呢种粗面比较弹牙有嚼口，食完一碗岩岩好就够饱喇。鸡肉每碗三片，可以一嘢放入口嘅尺寸，味道不过不失。糖心蛋好嫩同新鲜，唔错！特别一提，饭櫈旁边嘅𩠌菜系免费嘅。个人最钟意佢个芽菜，系平凡嘅味蕾里面添加点辣，令人更加开胃！总括，拉面的话价钱唔算太贵，味道都唔错。所以间中拉面瘾起，想简简单单食碗拉面，会再拣一风堂。