好運印尼餐廳

营业中

休息中

今日喺观塘谂唔到食咩，就去呢间啦印尼餐厅度食，之前食过觉得好好食，亦都抵食，上次食已经系两、三年前，所以就再来食多次回味下。叫左两个饭、面，一个菜，同埋一杯饮品。印尼黄锦饭（$68）-一睇都觉得好丰富，有巴东牛肉、烧鸡，同埋好多配菜，仲有黄饭，食落好满足，加左少少辣椒酱，仲惹味。印尼炒贵刁（$68）-炒得好香，好够味，中间仲有啲虾，同埋一条条嘅以为系葱，但系原来系菜心切成咁嘅，好得意，都系加少少少少辣椒酱，仲惹味。加多加多（$55）-里面有好多种菜，同埋有薯仔，酱汁好沙嗲，好好食，虾片就淋左少少，美中不足。珍多冰（$30）-椰汁味好香，都唔错。食完觉得好满足，好开心，期待下次再来食，试下其他菜色。