好運印尼餐廳

营业中

休息中

今日喺觀塘諗唔到食咩，就去呢間啦印尼餐廳度食，之前食過覺得好好食，亦都抵食，上次食已經係兩、三年前，所以就再來食多次回味下。叫左兩個飯、麪，一個菜，同埋一杯飲品。印尼黃錦飯（$68）-一睇都覺得好豐富，有巴東牛肉、燒雞，同埋好多配菜，仲有黃飯，食落好滿足，加左少少辣椒醬，仲惹味。印尼炒貴刁（$68）-炒得好香，好夠味，中間仲有啲蝦，同埋一條條嘅以為係蔥，但係原來係菜心切成咁嘅，好得意，都係加少少少少辣椒醬，仲惹味。加多加多（$55）-裏面有好多種菜，同埋有薯仔，醬汁好沙嗲，好好食，蝦片就淋左少少，美中不足。珍多冰（$30）-椰汁味好香，都唔錯。食完覺得好滿足，好開心，期待下次再來食，試下其他菜色。