蘇三茶室 (已結業)

已经第4次点面豉牛扒。。。初次点时觉得牛扒为何会跟面豉拉上关系，靓牛扒就大火煎个3-5成熟就已经好好食了，但经点主推介，就要了这道菜。一食就连食了4次! 厚厚嘅牛扒，用面豉腌制，长时间熟成，保留牛扒原味，亦添加了面豉的咸香味，牛扒也可以多元化~除咗牛扒，今次试咗2款新菜式。。。原个洋葱汤同茶薰三文鱼。洋葱汤常见客人点，但自己反而第一次，热热的原个上，作为汤盅嘅洋葱亦都好淋，但记住，要饮完汤至好食个洋葱呀，唔系会漏汤㗎!茶熏三文鱼，哗! 好大嘅惊喜! 听菜名以为系烟熏𠮶一门，但原来佢系用烟过嘅茶煮汤再低温浸鱼，鱼肉呈粉红，异常嫩滑，好好食! 别个应该系断牛扒后入选嘅连食菜!其他仲点咗鸭肉云吞，砵酒蟹同鸡汤银丝旺，但全部唔记得影，净挂住食。。。甜品好少食，因为通常到尾声已经饱到呕，但每次同呢几个饭脚去呢到食饭时，佢地几饱都要点呢个苹果批，所以今次我都要试一试! 噢，原来系有道理㗎，之前一路唔识货添。。。蚀!