影片
更多
2017-01-11
2430 浏览
见一品鸡煲新开张 咁就去试下八点半收工 就行过去未行到门口就已经见到一地都系花牌都唔知点解散到一地都无人执下上到去唔洗等位 好快入座咁上到去叫左个麻辣鸡煲一只鸡嗌左个中辣黎左个小辣个鸡煲同食物都黎得算快既不过啤酒同饮品就黎得好慢 嗌左个青柠水个杯好大 好大杯 入面有两片青柠做点缀个鸡煲就都几咸下 不过问题唔大既 嗌多几支酒就解决到一品个老板系咪史提芬周？啲食物有几咸整几咸 啲冰有几大旧得几大旧 青柠落一两片点缀下就够食完啲鸡就打边炉 叫左加水好耐 呀姐俾左壶冻既水 叫我自己黎就系咁 我同朋友一行三个人等左差唔多二十分钟等水滚三个人叫左五份配料左右 好快都食哂食物质素都唔错既 食得都几饱然后头先嗌极都唔见人既待应终于见到人啦好尽责地问我地食物到齐未同帮我地埋单都好热心地解释因为有人等位希望我地食完尽早离开咁岩坐系卡位 望落街无人等位 同时眼见仲有几枱吉位当时我地仲有一支酒未饮 不过既然都出到声请我地离开 我地都谂住饮埋就走系饮完支酒期间 员工都表现积极 落力地清走枱面餐具好让我地专心饮完一支酒 呢一个时刻一品既员工充份表现出佢地既效率酒都未饮完 铜锣湾一品既员工已经set好张枱俾下一手
八点半收工 就行过去
未行到门口就已经见到一地都系花牌
都唔知点解散到一地都无人执下
上到去唔洗等位 好快入座
咁上到去叫左个麻辣鸡煲一只鸡
嗌左个中辣黎左个小辣
个鸡煲同食物都黎得算快既
不过啤酒同饮品就黎得好慢 嗌左个青柠水
个杯好大 好大杯 入面有两片青柠做点缀
个鸡煲就都几咸下 不过问题唔大既 嗌多几支酒就解决到
一品个老板系咪史提芬周？啲食物有几咸整几咸 啲冰有几大旧得几大旧 青柠落一两片点缀下就够
食完啲鸡就打边炉 叫左加水好耐
呀姐俾左壶冻既水 叫我自己黎
就系咁 我同朋友一行三个人等左差唔多二十分钟等水滚
三个人叫左五份配料左右 好快都食哂
食物质素都唔错既 食得都几饱
然后头先嗌极都唔见人既待应终于见到人啦
好尽责地问我地食物到齐未同帮我地埋单
都好热心地解释因为有人等位希望我地食完尽早离开
咁岩坐系卡位 望落街无人等位 同时眼见仲有几枱吉位
当时我地仲有一支酒未饮
不过既然都出到声请我地离开 我地都谂住饮埋就走
系饮完支酒期间 员工都表现积极 落力地清走枱面餐具
好让我地专心饮完一支酒
呢一个时刻一品既员工充份表现出佢地既效率
酒都未饮完 铜锣湾一品既员工已经set好张枱俾下一手
对铜锣湾一品既评语 刚好可以引用方东升金句：一试无妨，再试投降
最后总用餐时间系大概两小时 埋单六百几
两小时上菜用餐执枱set枱 超高效率
如果想同朋友慢慢倾下计食下野 我建议都系去翻啲放题
因为放题都有两个半钟。俾多半个钟俾你饮埋啖酒。
张贴