鳥華亭

营业中

休息中

准备7月去东京嘅行程发现东京有间好出名嘅白鸡汤拉面，因为喺香港主要食嘅拉面都系豚肉，于是就试吓揾揾香港有冇白鸡汤拉面，果然皇天不负有心人，比我揾到湾仔有一间，于是就二话不说拉埋另一半同我去食。打开拉面店嘅趟门，感觉就好似用咗随意门即刻去到日本嘅感觉，日式装修，左边系Bar枱右边系普通座位。而点菜嘅落单纸好细心，一面系繁体字，另一面系日文字，座低后其实发现有一半食客都系日本人。点咗两个拉面+一款小食，包括：特盛鸡白汤拉面+至极白汤拉面+煎饺子特盛鸡白汤拉面选择咗卷曲面，而配料有鸡肉、糖心蛋、紫菜、露笋、竹笋同埋炸莲藕片。食拉面最紧要系先饮一啖汤，浓浓嘅鸡汤浓到有些少黏口嘅感觉；再食一啖鸡肉，慢煮嘅鸡肉入口非常嫩滑；糖心蛋亦非常入味！卷曲面每一啖都挂上白汤，入口弹牙！至极白汤拉面选择咗直身面，而配料有鸡肉、糖心蛋、露笋、混合葱同埋炸莲藕片。由于配咗混合葱，汤味就添上一份清新葱味。直身面食落就感觉爽口一D。煎饺子皮薄肉汁丰富！