胖老爹美式炸雞 (糖街)

营业中

休息中

铜锣湾都有几间来自台湾既鸡扒店，行紧去维园年宵行过见到好多人等紧，为食既我紧系唔放过！ 原来又一间来自台湾过江龙嘅炸鸡店立足香港！今次就试左佢个无骨鸡腿扒，等左大约30分钟就有得食！未拎上手已经闻到香喷喷嘅味道，热辣辣，仲配咗椒盐粉同辣椒粉俾你自己加！仲好窝心俾咗手套你，唔会食到成手都系油🥰鸡扒外皮脆卜卜，完全系新鲜即炸，一咬入口啲鸡汁同鸡油同时爆出嚟，但食落又唔会觉得油淋淋，鸡扒好 juicy，食完会再想继续食！因为食完嘢先去，冇机会试其他小食，但呢间一定会再去，见到人哋食甜不辣好似好好食咁大大份都系$24！！下次要再食！除咗鸡扒小食，佢仲有炸鸡餐！