影片
更多
2016-02-29
1362 浏览
上水有很多味道好的餐厅,但估唔到我返左工咁耐先识呢间杜记,真系孤陋寡闻喇~LUNCH时间真系好多人,而且坐位唔太多,好彩早少少到唔使等位,最多系搭台。午餐奉送例汤,是日花生眉豆鸡脚汤,望落去系好似自家老火汤咁,足料有心思的,饮落味精唔重,唔会淡到开水咁,大大碗有家的温暖感。味菜火鸭丝文焖米,米粉够干身,唔会太水,淋身,火鸭丝大方得唔系一丝丝,而系火鸭片,起码有5,6块以上,唔会好咸,味道好适中,系1个合格唔求其的焖米。葱油鸡饭,真系好黄油鸡,肉质嫩同香,同事话似系新鲜鸡,咁我唔肯定,只系D肉唔"鞋口"同"散"应该唔差。最正有菜心送~登登登登登登......到最出名的是猪扒饭,呢个系腐乳猪扒炒饭底,份量多到3个人食都够饱,再加埋炸菜一齐食好惹味呀!!猪扒好贴心切开一块块容易食,入口松软唔会落得过量的松肉粉,好JUICY同食到香煎完的脆口。点埋腐乳食又估唔到咁MATCH喔!腐乳系自家改良过所以唔会得个咸字同抢左味,淡淡的腐乳味提升左成件猪扒。炒饭炒得好干身同粒粒分明,唔会太油,食完再想食。好食的茶餐厅是买少见少,食物质数又好参差,所以希望杜记好好保持水准,保持港式的风味,保持咁好味同相宜的
LUNCH时间真系好多人,而且坐位唔太多,好彩早少少到唔使等位,最多系搭台。
午餐奉送例汤,是日花生眉豆鸡脚汤,望落去系好似自家老火汤咁,足料有心思的,饮落味精唔重,唔会淡到开水咁,大大碗有家的温暖感。
味菜火鸭丝文焖米,米粉够干身,唔会太水,淋身,火鸭丝大方得唔系一丝丝,而系火鸭片,起码有5,6块以上,唔会好咸,味道好适中,系1个合格唔求其的焖米。
葱油鸡饭,真系好黄油鸡,肉质嫩同香,同事话似系新鲜鸡,咁我唔肯定,只系D肉唔"鞋口"同"散"应该唔差。最正有菜心送~
登登登登登登......到最出名的是猪扒饭,呢个系腐乳猪扒炒饭底,份量多到3个人食都够饱,再加埋炸菜一齐食好惹味呀!!猪扒好贴心切开一块块容易食,入口松软唔会落得过量的松肉粉,好JUICY同食到香煎完的脆口。点埋腐乳食又估唔到咁MATCH喔!腐乳系自家改良过所以唔会得个咸字同抢左味,淡淡的腐乳味提升左成件猪扒。炒饭炒得好干身同粒粒分明,唔会太油,食完再想食。好食的茶餐厅是买少见少,食物质数又好参差,所以希望杜记好好保持水准,保持港式的风味,保持咁好味同相宜的价钱,令光顾的客人可以感受以往茶餐厅与顾客的互动和人情味。
张贴
