影片
更多
2014-11-26
2913 浏览
第一次帮衬「快意」喺铜锣湾店，其中一道米形意大利粉叫小弟最为难忘，本来一直有想带老婆去试嘅打算，不过，年复年一直未成事。卒之，见佢铜锣湾店结业，搬咗过嚟尖沙咀，位置对我俩就更加就脚，所以，趁佢生日，带嚟庆生食餐「饭」。比起铜锣湾旧店，尖沙咀店大好多，感觉更宽趟。而红黑喺快意标记，所以，餐厅内都以此为主调亦自然不过嘅事，整体装修简单俐落，没有太多修饰。门口直入，有多张4人卡位，而门口两边，亦有多组2、4、6人枱。记得旧店全场都喺胶櫈，而新店则全用上皮椅，自然较为坐得舒适。作为一间跑车 / 房车生产商，必然有好多周边产品，所以，店内设有专卖架，陈列唔少T恤、玩具车、背包……等等。此外，既为餐厅，跟饮食嘅相关产品亦有售卖，就正正放晌入门口个冻柜之中，包括：蛋糕、朱古力、自家品牌汽酒……等等。餐牌亦以一红一黑为对衬，红色餐牌讲食，而黑色餐牌讲饮。讲食嘅餐牌分门别类列出头盘、餐汤、沙律、意式烤面包、精选主菜、意粉 / 烩饭、特色薄饼、意式三文治、甜品及儿童餐，由于星期六（日及公众假期）无午餐供应，只有从大牌中散叫。香芒大虾沙律 $128超巨型嘅虎虾绝对喺焦点所在，亦喺道菜卖咁贵嘅理由，虎虾煎得芳
比起铜锣湾旧店，尖沙咀店大好多，感觉更宽趟。而红黑喺快意标记，所以，餐厅内都以此为主调亦自然不过嘅事，整体装修简单俐落，没有太多修饰。门口直入，有多张4人卡位，而门口两边，亦有多组2、4、6人枱。记得旧店全场都喺胶櫈，而新店则全用上皮椅，自然较为坐得舒适。
作为一间跑车 / 房车生产商，必然有好多周边产品，所以，店内设有专卖架，陈列唔少T恤、玩具车、背包……等等。
此外，既为餐厅，跟饮食嘅相关产品亦有售卖，就正正放晌入门口个冻柜之中，包括：蛋糕、朱古力、自家品牌汽酒……等等。
餐牌亦以一红一黑为对衬，红色餐牌讲食，而黑色餐牌讲饮。讲食嘅餐牌分门别类列出头盘、餐汤、沙律、意式烤面包、精选主菜、意粉 / 烩饭、特色薄饼、意式三文治、甜品及儿童餐，由于星期六（日及公众假期）无午餐供应，只有从大牌中散叫。
香芒大虾沙律 $128超巨型嘅虎虾绝对喺焦点所在，亦喺道菜卖咁贵嘅理由，虎虾煎得芳香，虾肉爽口，唯虾头未完熟，嘥咗少少肉；伴碟除有沙律菜伴柠檬香草汁之外，另一边有唔少芒果粒及牛油果粒，亦喺因为老婆钟意食牛油果先点依份沙律，沙律菜颇新鲜，清新咬落索索声，牛油果够熟，芒果亦够甜，不过，餐牌明明写住成份有蟹肉，却完全食完都唔觉有 。
意大利脆烟肉煎蛋拌黑菌烤面包 $784款意式烤面包中，拣咗有厨师推介嘅意大利脆烟肉煎蛋拌黑菌烤面包，其实第一次到访Fiat都有试过，所以都想老婆一试。意式烤面包（Bruschetta）喺以生蒜擦磨表面再烤烘嘅面包，配以橄榄油及简单嘅佐料。黑专包好有粗犷味，质感带烟韧，包面配上意大利烟肉、流心蛋、蕃茄酱、黑松露酱，烟肉唔喺平时几十蚊包好多肥膏𠮶只，喺无乜肥膏，煎得香脆，净食相对咸少少，但配包啱啱好，煎蛋流心效果突出，烤包沾满蛋浆、蕃茄酱、黑松露酱，真喺一流。
烩意大利肉丸配米形意粉 $108可以话喺主角出场，米形意粉依然喺令人食得口感过瘾，明明似饭粒，但喺意粉嘅口感，不过，今次食落感觉油咗啲，虽然话橄榄油喺健康嘢，但一来观感唔喺太好，二来食过量亦无益；烩肉丸超大粒，肯定大过个乒乓波，自家手制，内里混入唔少肥猪肉，入口好松化甘香，口感粗中有细，不过，有啲人就觉得唔健康喇；而蕃茄汁好正，酸香鲜活，有著浓浓意大利风味。
榛子鲜奶咖啡 $40因为只得两个人食，所以，老婆嗌饱就无再点甜品。不过，小弟还是想临尾饮番杯咖啡，一杯榛子鲜奶咖啡，虽然份量有点少，榛子味亦都唔强，但咖啡醇香，奶泡打得柔滑，轻轻松松两口子叹一顿午饭，份外写意轻省。
再尝个米形意大利粉，仍然有份惊喜感，老婆都赞佢得意好食。相信睇到依度，你都明白个标题何解叫「一饭之因」，而唔喺「一饭之思」，实质只喺为再次试个「饭」而嚟。所以，令小弟又想番起，有时食到好嘢，总会好想跟人哋分享，大抵就喺写食评嘅其中一个原因。
张贴
