鳴越越式料理 (已結業)

叫咗個精選一人套餐，C5馬拉盞芥蘭炒豬爽肉配白飯$78，追加小食就叫咗個越式煎札肉，要加＄28。其實如果唔大食嘅朋友，或者兩個女仔嚟，呢個餐已經夠食，好似食緊個兩餸餐咁，好多人都會叫半碗飯，怕肥呀嗎，食家咁樣叫嘅話，嘢飲就得一杯，加$20要杯滴漏咖啡，叫凍飲，就會多一個冰杯，叫就可以一人飯凍，一人飲熱。如果再唔夠食，叫多隻南乳香春雞，半隻兩個人食就好夠。個南乳汁都幾咸，建議點住嚟食，如果一下倒晒落隻雞，真係會好咸。