影片
更多
2014-01-03
277 浏览
之前睇到百利冰室的食评话呢度食lunch好迫，其实在上环区有边度食lunch系唔迫的?! 如果在peak hour都可以轻松揾到位的话，果间餐厅好食极有限啦………结果寻日自己一个人去食lunch，已经有心理准备会多人。一入去前面有几个人等位，我仲以为要等好耐，原来前面d人未人齐，餐厅叫佢地等齐人先入座。但佢地系咁喺度嘈，话点解入面咁多枱都唔俾佢地入去，我心谂，人地餐厅写到明话繁忙时间人齐入座，如果你一个人来霸住张大枱等足一个钟，咁对餐厅好唔公平啫！我真系唔明佢地嘈乜！不过就系好在餐厅有呢个人齐入座的政策，所以我呢d一条友来吃饭的好快就有位。 坐低左喺角落头一张细枱，隔离张大枱都有啲一、两位搭枱。一坐低侍应就拎左杯暖水俾我。见到佢地有肉酱意粉，但天气冻想食d饭，问佢可唔可以要肉酱焗饭，佢话ok。结果我个焗肉酱意粉转饭大约15分钟之后就到。一上枱，热辣辣香喷喷！肉酱上面有d番茄碎粒，面层焗得干身仲有少少脆，肉汁留左落去d饭度，口感与味道都好好。临走时我一起身埋单，几个侍应大大声同我讲「多谢晒！」唔讲d人以为我帮衬左几千蚊！其实只系70几蚊！
结果寻日自己一个人去食lunch，已经有心理准备会多人。一入去前面有几个人等位，我仲以为要等好耐，原来前面d人未人齐，餐厅叫佢地等齐人先入座。但佢地系咁喺度嘈，话点解入面咁多枱都唔俾佢地入去，我心谂，人地餐厅写到明话繁忙时间人齐入座，如果你一个人来霸住张大枱等足一个钟，咁对餐厅好唔公平啫！我真系唔明佢地嘈乜！不过就系好在餐厅有呢个人齐入座的政策，所以我呢d一条友来吃饭的好快就有位。
坐低左喺角落头一张细枱，隔离张大枱都有啲一、两位搭枱。一坐低侍应就拎左杯暖水俾我。见到佢地有肉酱意粉，但天气冻想食d饭，问佢可唔可以要肉酱焗饭，佢话ok。
结果我个焗肉酱意粉转饭大约15分钟之后就到。
一上枱，热辣辣香喷喷！肉酱上面有d番茄碎粒，面层焗得干身仲有少少脆，肉汁留左落去d饭度，口感与味道都好好。临走时我一起身埋单，几个侍应大大声同我讲「多谢晒！」唔讲d人以为我帮衬左几千蚊！其实只系70几蚊！
题外话/补充资料：
想赞一下餐厅员工的态度…… 好细心，好肯同d客讲解，我亲眼见到、亲耳听到坐我隔离枱那位人兄，坐低唔够5分钟然后催d野食快d到 @@" 然后个侍应就同佢解释话焗饭要等耐d因为即叫即焗等等…… 其实我个焗饭都左大约3个字先到，焗饭要等，是常识吧？！如果你一order d野食转头就有，你更应该怀疑d野食系唔系新鲜啦，下哗？
即系呢，以一间茶餐厅来说，百利冰室真系算唔错，野食ok侍应又勤力！所以我觉得真系需要在这个平台帮餐厅平反一下！那些无理投诉的香港人，你地可唔可以反省下，究竟你地去食野系满足口腹之欲，定系去人地度撩交嗌？！
(以上食记乃用户个人意见 , 并不代表OpenRice之观点。)
张贴
