影片
更多
2020-04-08
287 浏览
有冇人知道呢间野嘅公司投诉热线？最憎就系食餐饭都要受气，呢间野装潢几好都浪费，d员工质素奇劣!话说今日lunch因为我2点几要去开会，咁就迟少少食啦，同两个饭脚去左呢间野食饭，咁佢地就想食Tea嘅，同埋都想倾下偈咁。一坐低，本身间舖都话坐晒人嘅，咁我地都问一问个侍应系咪2点先有Tea,我地1：40入席。咁侍应话：系呀2点先有下午茶，但系呢，你地而家入席就当系午餐价，无得叫下午茶。我地系入席开始计。咁我两位同事就问：即系我地坐到2点都无得点下午茶？咁果位侍应系话：系呀，唔得呀。咁我地就话：咁点左个午餐先啦，食左先然后侍应帮我写左之后就remind多次：之后无得点下午茶架。咁我两位同事都话：无得点未唔食啰。然后侍应就离开左，隔左一阵，我地倾左一阵偈，同一个侍应就返转头问：你地系咪只叫一个餐呀？如果只叫一个餐，之后都无得点下午茶架。你同唔同意先？然后我就话：你头先未讲左啰？你又返转头讲第二次？我地ok架啦，唔点下午茶。之后个侍应好似唔likey咁，佢就话：我地呢度唔系foodcourt 呀....咁我一听到佢讲呢句我就话：咩叫唔系food court呀？我地入得嚟食紧系知你唔系food co
最憎就系食餐饭都要受气，呢间野装潢几好都浪费，d员工质素奇劣!
话说今日lunch因为我2点几要去开会，咁就迟少少食啦，同两个饭脚去左呢间野食饭，咁佢地就想食Tea嘅，同埋都想倾下偈咁。
一坐低，本身间舖都话坐晒人嘅，咁我地都问一问个侍应系咪2点先有Tea,我地1：40入席。
咁侍应话：系呀2点先有下午茶，但系呢，你地而家入席就当系午餐价，无得叫下午茶。我地系入席开始计。
咁我两位同事就问：即系我地坐到2点都无得点下午茶？
咁果位侍应系话：系呀，唔得呀。
咁我地就话：咁点左个午餐先啦，食左先
然后侍应帮我写左之后就remind多次：之后无得点下午茶架。
咁我两位同事都话：无得点未唔食啰。
然后侍应就离开左，隔左一阵，我地倾左一阵偈，同一个侍应就返转头问：你地系咪只叫一个餐呀？如果只叫一个餐，之后都无得点下午茶架。你同唔同意先？
然后我就话：你头先未讲左啰？你又返转头讲第二次？我地ok架啦，唔点下午茶。
之后个侍应好似唔likey咁，佢就话：我地呢度唔系foodcourt 呀....
咁我一听到佢讲呢句我就话：咩叫唔系food court呀？我地入得嚟食紧系知你唔系food court啦？你咁讲野咩？
然后佢就嬲嬲地抛下一句唔系人人都听到嘅说话：咁你知就得啦，位位最低消费30蚊㖞。
Ok.我听到，但我两位同事都系得一个隐约听到
然后个收银就埋嚟再remind多一次。
喂，顶你？咩事呀，你舖头镶金？？你到我地食完走果刻呀，都未坐满人啦。咩事呢？
然后仲话想收我124蚊？佢话我一个餐64，再加斋坐30蚊一位，然后问佢何来条款？佢只答公司内部规定。
What?!你当眼地方唔贴？你内部规定唔使俾客知？你海鲜价都得啦系咪呀？
张贴