尚品餐室 (已結業)

为左报答一位成日帮我解决疑难既朋友，今日终于揾左个机会同佢食番餐。拣左深水埗呢个好多野食既地方。收工之后深水埗依然热闹，于是拣呢左间餐厅。餐厅地方唔算好大，但就坐满晒人。刚好同餐厅相反，餐牌食物种类多，小菜，卤水类，火锅，鸡煲，炒粉面饭等等。蚝仔煎鸭蛋 $78卖相其实同平时食既蚝饼差唔多，但就用左鸭蛋去整。食落比蚝饼口感更丰富，而蚝仔亦比平时食开大粒，可见用料十足，同时间食晒成碟都唔会食到有沙。清汤牛坑腩 $88清汤牛坑腩都几大碟，牛腩同萝卜既比例唔错。虽然话系清汤，但我就觉得似清淡既胡椒猪肚汤，不过都夹牛腩同萝卜，而且两者都能够入到清汤既味道。牛坑腩大大件，啖啖肉，又够腍；至于萝卜就比较爽口。我贪心d就觉得如果牛坑腩可以细件d，感觉上就会食多d。今餐可以话系男人既浪漫，呢两样食物绝对系为饭而设，所以当然唔少得白饭两个，汽水两枝。一路食一路倾下偈，唔觉唔觉，原来呢餐都食左好耐，好彩餐厅都开到好夜先收，去到零晨。