La Cobi Restaurant & Tapas (已結業)

去湾仔接朋友放工之后食饭，揾下附近有咩可以坐耐d嘅特色餐厅，见到呢到食西班牙野好似唔错咁，就跟住个地图照住揾，但揾呢间都有点困难，因为地点比较偏一d，行份内街又九曲十三弯咁，兜兜下终于揾到。呢到果然系比较静，揾就要跟住地图啦，可能因为唔太熟路啦，但环境就唔错，唔太嘈吵，可以系到饮下野，倾下计咁我地都算早黎，6点到，餐厅都无咩人，一入门口就见到只风干火腿系到做生招牌，装潢都几有特色。我地叫左几样野食，几样野味道都几好，有点出乎意外。Menu写呢道风干火腿系48个月，食落去油脂好香，肉味浓郁，伴著一片脆多士一齐食感觉无咁咸呢个炒蚬睇落就同中式差唔多，但食落好惹味，而且佢有辣肉肠，蒜同葱一齐炒，同中式嘅豉椒炒系两种感觉。朋友好中意食海鲜，所以除左个蚬之外，仲order左呢个蒜片虾，上菜嘅时候，侍应特别介绍系用新鲜虾，而我地食落又觉得虾肉味新鲜，肉质都有弹性，加埋蒜片炒系提升多一个层次，多士都好好味呢个我就唔记得确实叫咩名，但食落味道就好得，好似系张块多士切条咁，但入边包住芝士，西班牙火腿，仲有黑松露呀！！三样野都系好浓味，食落就出哂三种味道，我最中意嘅就系好香嘅黑松露味😋仲留系口腔内一段时间