鳳城酒家 (已結業)

下午打电话来订位 , 已经要我地九点半先好来食饭 , 但行街行到差不多九点已经好累喇 , 咪早 d 上去睇下有冇机会有枱喇 , 点知上到去见到 d 人多到排到出门口 , 真系夸张 几经辛苦先叫到佢地安排到一张枱俾我地四个人 , 由于当晚适逢做冬 , 所以菜牌上都是做冬的特订套餐或一些限定的散餐 , 伙计们忙到甩肺 , 都招呼唔切 , 我地拿拿临叫左几样呢度既招牌菜 ~ 炸子鸡 - 最开心是除了外皮够脆 , 食落去啖啖有鸡味 , 其他的酒家不一定有 锅贴大明虾 - 其实即是虾多士 , 大大只酿虾胶 , 食第一只时真的好好味 , 但食第二只已觉有点漏 大良炒鲜奶 - 里面同大虾一齐炒 , 铺面更有大大粒既松子同金华火腿丝 , 一向对奶类冇兴趣的我 , 呢味𩠌竟然味道讨好 , 唔太骚味 , 咸咸地 , 我都食左几多架 炒桂花翅 - 粒粒爽口既桂花翅 , 再加入芽菜 , 金华火腿丝 , 少少瑶柱丝和蛋一起炒 , 炉火炒得恰到好处 值得一题是 : 当晚虽然咁忙 , 但伙计们都冇黑面 , 而且叫佢地又开茶又开水 , 都好快做到 , 有服务 , 有味道