影片
更多
2017-10-05
8160 浏览
中秋节两小口子揾地方食个饭应一吓节！㨂呢道真系为咗想食得舒服一D！上到嚟，地方好大，亦有足够空间，不过发现大多数系国语人！由于身边果位都系国语人，自己突然发现成了社会的少数！两个人食咗大约千四蚊！好贵！所以我呢D「少数族裔」真系唔太适合嚟叫咗：烧鸭一份，味道我会认为深井好食好多！D肉干又鞋! 不过够多汁，保返D水份！上汤介菜，上汤太浓，其实叫上汤介菜系因为想清清地，呢碟上汤浓又油，早知叫蒜蓉炒仲好！炆牛肋腩，呢个就好食，好入味，好多牛肋，腩煮得够淰！焗蟹盖，冇想像咁好食！$180一只，两只起！老实讲，真系啖啖蟹肉，冇厄人! 不过我prefer 太平馆果只多D！要真心投诉系～～- 叫两个白饭，食咗半餐都唔嚟，叫咗4个服务员跟，每一个都好似好有诚意话即刻跟，但之后冇咗影！唔想客人咁cheap叫白饭，咪直接话冇白饭供应啰，呢D地方卖service，但却败于service～- 抬上面一碟食完嘅烧鸭碟，同一碟食咗一半嘅牛腩煲，叫服务员帮忙收一下，佢竟然选择收咗只食咗一半嘅牛腩而唔系只「吉碟」! 如果系红星、巧彩呢D level，我ok ，但呢度嘅service其实就计算在味道之中！今时今日，特别
㨂呢道真系为咗想食得舒服一D！
上到嚟，地方好大，亦有足够空间，不过发现大多数系国语人！由于身边果位都系国语人，自己突然发现成了社会的少数！
两个人食咗大约千四蚊！好贵！所以我呢D「少数族裔」真系唔太适合嚟
叫咗：烧鸭
一份，味道我会认为深井好食好多！D肉干又鞋! 不过够多汁，保返D水份！
上汤介菜，上汤太浓，其实叫上汤介菜系因为想清清地，呢碟上汤浓又油，早知叫蒜蓉炒仲好！
炆牛肋腩，呢个就好食，好入味，好多牛肋，腩煮得够淰！
焗蟹盖，冇想像咁好食！$180一只，两只起！
老实讲，真系啖啖蟹肉，冇厄人! 不过我prefer 太平馆果只多D！要真心投诉系～～
- 叫两个白饭，食咗半餐都唔嚟，叫咗4个服务员跟，每一个都好似好有诚意话即刻跟，但之后冇咗影！唔想客人咁cheap叫白饭，咪直接话冇白饭供应啰，呢D地方卖service，但却败于service～
- 抬上面一碟食完嘅烧鸭碟，同一碟食咗一半嘅牛腩煲，叫服务员帮忙收一下，佢竟然选择收咗只食咗一半嘅牛腩而唔系只「吉碟」! 如果系红星、巧彩呢D level，我ok ，但呢度嘅service其实就计算在味道之中！今时今日，特别高级菜馆，味道其实已不止在于口福，更在于整个进食体验！
食物水准：唔差，但唔值$1400
服务质数：
。「针」茶，除咗第一杯嚟到即「针」之外，全餐饭冇人会帮你再「针」茶！
。会miss单，冇人用心跟单，我见隔离枱最后找数一样miss咗，有嘢冇嚟！
整体，如果想舒舒服服，服务ok，食物有咁上下水平，其实「利夗」「美♡」都唔会比呢度失色！
呢餐饭食得开心绝对唔系呢度嘅食物水准，服务质数，而只不过系同钟意嘅人一齐食而已！
张贴
