鼎皇臭臭鍋 (已結業)

行经尖沙咀新发现这间鼎皇，睇到个名就联想去台湾一间好有名的麻辣火锅店，好奇心驱使我同个朋友系门外睇下食乜，店门外已贴满相关火锅相片同食物详情，原先都谂住行下先架啦！ 朋友仔就话不如入左食， 都行到累累地。就系咁两个人就入内，店员还安排我俩坐卡位，可以望到街外行人添。店内都干净竟然无火锅嘅油烟，主打养生锅。枱面嘅单张好清楚介绍晒有关食材第一次食都一人一锅，$118 价钱ok ,我自己选择左黑豚肉蕃茄锅。材料极吸引，除左豚肉之外还有蕃茄大豆芽，豆腐，枝竹，娃娃菜，金菇，云耳，粉丝+鸣门卷等，有齐数十种健康食材，好啱我食得健康的人，好满足，蕃茄味浓郁。朋友话要食招牌臭臭锅，同样丰富精彩，其实还想食酸菜鱼锅，黑麻油鸡锅，可惜两个人点食到那么多。讲翻个臭臭锅先，一点臭味都无，只是渗出少许臭豆腐的味，可能太臭未必接受到，有特式嘅台湾贡丸，鸭血，米血糕，猪大肠，蚬，粉丝同炸菜丝，超惹味！各有各味道，两款分享够晒。